Ако сѐ поретко сретнуваш
луѓе кои со страст живеат
а паметиш некогаш тебе очите ти жареле
и срцето ти подрипнувало од возбуда
врати се на себеси тогаш
со повеќе мудрост и искуство иако
и со помалку срам и граници
за изразување на својата автентичност
та сети се како сиот живот ти бил стихување
како и сега таков се обидуваш да го правиш
со тоа што сега на глас читаш сигурно
и притоа вешто мечуваш
со сите емоции кои се изродуваат од жарта.
Ако сѐ поретко сретнуваш
луѓе кои со страст го живеат животот
најди време за други работи
а сето останато посвети го на живост
та сведочи среќа, љубов и жар
кои попатно будат мир и спокој
не како некогаш кога си се воздржувал
туку како сега, кога стоиш цврсто на нозе
и притоа животот го вкусуваш
во своето најлуксузно издание.
Ако сѐ поретко сретнуваш
луѓе кои страсно живеат
сретни се со себеси од некогаш
огледај се во очите свои и кажи си
– ти си креатор на твоите светови.
