Оваа пролет почна рано.
Го искроив цвеќето сосем
до земја
до корен скоро
и си реков ќе чекам да заленее,
а потоа малку сонце
па студ и зимска светлина
некој ладен дожд…
Едно утро видов цветови – три
наредното – четири
сега веќе не ги бројам.
Има такво цвеќе
кое обично цвета пред есен,
(ако и тогаш)
но годинава реши да прави отстапки
да расцвета порано,
многу порано
и да ме убеди
дека цветот има најголема смисла
кога не ги следи правилата.
Сакам бунтовни цветови!
